Estimadas/os veciñas/os:
GañaMos Asemblea Veciñal é un proxecto en construción que se constitúe por diferentes persoas de todo o concello coa única inquedanza de acadar un goberno municipal honesto, transparente e ao servizo das veciñas e veciños de Mos.
Este proxecto pretende cimentar un espazo de confluencia da cidadanía lonxe das disputas entre os partidos tradicionais. Para iso precisamos a axuda e o compromiso da veciñanza na elaboración das liñas de actuación municipais e, tamén, na confección das listas electorais. En síntese, tratamos de construír unha ferramenta que permita facer política por e para as nosas xentes.
Deste xeito, convocamos á veciñanza e, particularmente, por seren principal motor do concello, ás asociacións de pais e nais, asociacións veciñais, comunidades de montes e asociacións culturais á próxima reunión na que se bosquexará o futuro do proxecto.
0 comentarios:
Publicar un comentario